ბაიერნი ტას ტრანსფერის დასასრულებლად მუშაობს - ცნობილია დეტალები

ბაიერნი ახლა ჯონათან ტას ტრანსფერზე ფავორიტად ითვლება. სულ რამდენიმე დღის წინ, ყველაზე სავარაუდო გუნდად ბარსელონა მიიჩნეოდა.

ფეხბურთელის გარემოცვას და კატალონიურ კლუბს ზაფხულის ტრანსფერზე შეთანხმებაც კი ჰქონდათ. თუმცა, ბარსელონამ ვერ მისცა გარანტია, რომ ტას მომდევნო სეზონისთვის დაარეგისტრირებდნენ, რამაც ფეხბურთელი შეაშინა.

ახლა ბარსელონაში ეჭვობენ, რომ ტას მიუნხენის ბაიერნში გადაბარგება უფრო სურს.

ამას ბაიერნიც აცნობიერებს და ცდილობს, ფავორიტის სტატუსით სარგებლობას.

მაქს ებერლი აქტიურად მუშაობს ტრანსფერის საბოლოოდ დახურვაზე. მოლაპარაკებები გრძელდება და საბოლოო დეტალები ჯერ კიდევ დასაზუსტებელია. თუმცა, ტა ძალიან დადებითად არის განწყობილი მიუნხენში გადასვლაზე.