რანგნიკი ვერნერი ბაიერნში ვერ წარმომიდგენია

"ლაიფციგის" მთავარმა მწვრთნელმა, რალფ რანგნიკმა, გუნდის ერთ-ერთი ლიდერის, ტიმო ვერნერის, მომავალზე ისაუბრა.

"2019 წელს ტიმო ვერნერს "ბაიერნის" შემადგენლობაში ვერ წარმოვიდგენ.

ჩვენ მისი გაყიდვით არ ვართ დაინტერესებულნი და არც სხვა კლუბებისგან მიგვიღია წინადადება", - განმარტა 60 წლის გერმანელმა სპეციალისტმა.

გერმანულ პრესაში გავრცელებული ინფორმაციით, მიუნხენური გრანდის ხელმძღვანელობა ვერნერის აგენტს პირადი კონტრაქტის დეტალებზე უკვე შეუთანხმდა.

22 წლის გერმანელი შემტევის მოქმედი კონტრაქტი "ხარებთან" 2020 წლის ზაფხულში იწურება და ტიმო ხელშეკრულების გახანგრძლივებას არ აპირებს.

"ბაიერნი" "ლაიფციგს" ოფიციალური წინადადებით უახლოეს მომავალში მიმართავს.