მათეუსი ლივერპულმა ბაიერნს თვალები აუხილა

მიუნხენის "ბაიერნის" ყოფილმა კაპიტანმა და ცენტრმა, ლოთარ მათეუსმა, "რეკორდმაისტერის" ახალი სატრანსფერო პოლიტიკა დადებითად შეაფასა.

"ბაიერნმა" "ლივერპულის" წინააღმდეგ გაიგო, რომ გუნდში ფულადი ინვესტიციებია ჩასადები.

სწორედ ამიტომ ვფიქრობ, რომ კლუბმა სწორი გზა აირჩია - ახალ და მაღალკვალიფიციურ მოთამაშეებში ფული უნდა ჩაიდოს.

ეს საჭიროა იმისათვის, რომ "ბაიერნი" კონკურენტუნარიანი იყოს საერთაშორისო დონეზე დიდ ინგლისურ, ესპანურ და იტალიურ კლუბებთან.

დარწმუნებული ვარ, ეს სწორი გადაწყვეტილებაა - ფულის ჩადება მოთამაშეებში, რომლებიც განსხვავებას ქმნიან.

"ბაიერნმა" ეს შესაძლებლობა ამ სეზონის დაწყებამდე გაუშვა ხელიდან", - განაცხადა მათეუსმა.

"რეკორდმაისტერი" 2011 წლის შემდეგ პირველად გამოვარდა ჩემპიონთა ლიგიდან უკვე მერვედფინალში - "ლივერპულთან" ორი მატჩის ჯამში 1:3 დამარცხდა.

მიუნხენელებმა ახალი სეზონისთვის ბენჟამენ პავარი და სარეკორდო 80 მილიონ ევროდ შეძენილი ლუკა ერნანდესი უკვე გაიფორმეს.

თუმცა ეს მხოლოდ დასაწყისია და "ბაიერნი" შეტევითი ხაზის გაძლიერებას გეგმავს.