"ბაიერნი" - "პსჟ" მთავარი არბიტრის ვინაობა ცნობილია

ოთხშაბათს ჩემპიონთა ლიგის 1/4 ფინალური ეტაპის პირველი მატჩი გაიმართება, რომელშიც მიუნხენის "ბაიერნი" ფრანგულ "პსჟს" უმასპინძლებს.

UEFA-ს ოფიციალურმა საიტმა მატჩის მთავარი არბიტრის ვინაობა დაასახელა. შეხვედრას ესპანელი მსაჯი, მატეო ლაოსი გაუძღვება.

44 წლის სპეციალისტი "ბაიერნისთვის" უცხო არ გახლავთ. მან წარსულში კლუბის 4 მატჩი განსაჯა, მათ შორის ერთი "პსჟსთან" შეხვედრა გახლდათ.

2020 წელს "ბაიერნმა" "ლიონი" 3:0 დაამარცხა, 2018 წელს "ბენფიკა" 0:2, 2013 წელს "პლზენი" 0:1. 2017 წელს გამართული დაპირისპირება კი "პსჟს" გამარჯვებით დასრულდა, 3:0. ყველა ამ მატჩს სწორედ მატეუ ლაოსი უძღვებოდა.