"ბაიერნის" ფანებმა ფლიკის დასარჩენად პეტიცია შექმნეს

რამდენიმე დღის წინ მიუნხენის "ბაიერნის" მთავარმა მწვრთნელმა, ჰანს ფლიკმა დაადასტურა, რომ სეზონის დასრულების შემდეგ კლუბს ტოვებს.

როგორც ცნობილია, 53 წლის სპეციალისტის წასვლის ერთ-ერთი მთავარი მიზეზი ჰასან სალიჰამიჯიჩთან კონფლიქტი გახლავთ.

"რეკორდმაისტერის" გულშემატკივრების უმრავლესობა ამ დაპირისპირებაში ჰანს ფლიკს უჭერს მხარს და ამაზე გამოკითხვის შედეგებიც მოწმობს.

შესაბამისად, "ბაიერნის" გულშემატკივრებმა სპეციალური პეტიცია შექმნეს, სადაც ისინი ფლიკის დარჩენასა და ჰასან სალიჰამიჯიჩის კლუბიდან გაშვებას მოითხოვენ.

პეტიციაზე უკვე 41'000-ზე მეტმა ადამიანმა მოაწერა ხელი. მასზე ხელის მოწერა ნებისმიერი ქვეყნის წარმომადგენელს შეუძლია ამ ლინკის საშუალებით.