პავარი შტუტგარტს ემოციურად დაემშვიდობა

მიუნხენის "ბაიერნის" მომავალი უნივერსალური მცველი, ბენჟამენ პავარი, თავის ყოფილ კლუბს გამოემშვიდობა.

23 წლის ფრანგი მცველი 1 ივლისიდან "რეკორდმაისტერს" შეუერთდება. მან დატოვა "შტუტგარტი", რომელიც ამ სეზონის შედეგად, ბუნდესლიგიდან გავარდა.

"შტუტგარტის" გულშემატკივრებო ძალიან დიდი მადლობა ამ დიდებული მომენტებისთვის. ამ რთული სეზონის განმავლობაშიც ყველას დავანახეთ ამ კლუბის სიდიადე.

მადლობა თქვენ იმისათვის, რომ გუნდში ადაპტაციაში დამეხმარეთ და სიტუაცია გამიმარტივეთ. ამ კლუბისათვის ყველაფერი გავაკეთე, მუდმივად თქვენი ერთგული ვიყავი.

თქვენ სამუდამოდ იქნებით ჩემს გულში, მადლობა", - დაწერა პავარმა ინსტაგრამზე.

ბენჟამენ პავარმა "შტუტგარტში" 2016 წლიდან სამი სეზონი დაჰყო და 81 თამაშში მიიღო მონაწილეობა.