ზირკზეს მომავალი გაირკვა - ახალგაზრდა ფორვარდი იჯარით მიდის

მიუხენის "ბაიერნის" ახალგაზრდა შემტევი, ჯოშუა ზირკე ახალ კლუბში გადავიდა. 

იწერებოდა, რომ ზირკე ცალი ფეხით უკვე ვერონას ფეხბურთელი იყო, თუმცა მოვლენები სულ სხვანაირად განვითარდა.

გავლენიანი ჟურნალისტი, ფაბრიციო რომანო, ადასტურებს, რომ ჯოშუა "ანდერლეხტის" მხარეს შეუთანხმდა და მათ შორის საიჯარო ხელშეკრულება აუცილებლად გაფორმდება.

მხარეებს შორის ხელშეკრულება მომავალ კვირაში ნებისმიერ შემთხვევაში გაოფიციალურდება და "ბაიერნის" თავდამსხმელი შემდეგ სეზონს ბელგიაში ჩაატარებს.