ზამთრის სატრანსფერო ფანჯრის დროს, ლივერპულის სამიზნე ბაიერნის ვინგერი იქნება

ბრიტანული გამოცემების მტკიცებით, ზამთრის სატრანსფერო ფანჯრისას, იურგენ კლოპს მიუნხენის ბაიერნის ვინგერის, კინგლის კომანის გადაბირება სურს:

'აღნიშნული ტრანსფერით ტოტენჰემი და იუვენტუსიც არიან დაინტერესებულნი, თუმცა წინასწარი მონაცემებით, უპირატესობა ლივერპულის მხარესაა.

ეჭვგარეშეა, რომ კომანი უამრავ გოლსა და შემოქმედებით უნარს შესძენს კლოპის თავდასხმას. 25 წლის ფრანგი მოთამაშე, ყოველწლიურად ვითარდება და უკეთესი ხდება, ამიტომაც მისი დროზე-ადრე ყიდვა, ახალი სეზონის დაწყებამდე, წითლების მხრიდან გონივრული ნაბიჯი იქნებოდა', - წერს გამოცემა.

შეგახსენებთ, კინგსლი კომანს ამჟამინდელი ხელშეკრულება, ბაიერნთან 2023 წლის 30 ივნისამდე აკავშირებს, მისი სატრანსფერო ღირებულება კი 65 მილიონ ევროს შეადგენს.

ფრანგმა შემტევმა ბაიერნში 204 მატჩი ჩაატარა, სადაც თავი 41 გოლითა და 50 საგოლე გადაცემით გამოიჩინა.

ცოტა ხნის წინ, ლივერპულმა ბაიერნიდან გუნდის ნახევარმცველი, ტიაგო ალკანტარა 25 მილიონი ევროს სანაცვლოდ დაიმატა.