ნაგელსმანმა ახსნა, თუ რატომ დააგვიანა ცვლილებების გაკეთება აინტრახტთან მატჩში

აინტრახტთან წაგებულ (1:2) მატჩში, ბაიერნის მთავარმა მწვრთნელმა იულიან ნაგელსმანმა მხოლოდ 3 ცვლილება გამოიყენა, ისიც 70-ე წუთის შემდეგ.

შეხვედრის დასრულების შემდეგ, გერმანელმა სპეიცალისტმა ცვლილებების დაგვიანებაზე ისაუბრა და საკუთარი გადაწყვეტილება ახსნა:

'დღეს მოედანზე არსებული სიტუაციიდან გამომდინარე საუკეთესო სასტარტო შემადგენლობა დავაყენეთ. მათ წინა თამაშებში კარგად ითამაშეს და სწორედ ამიტომ დავტოვეთ ისინი მოედანზე დიდხანს.

სანაკრებო მატჩების შემდეგ, კომანიც დაგვიბრუნდება და შემდეგ თამაშის შესაცვლელად მეტი ვარიანტი მექნება', - თქვა ნაგელსმანმა.