ჩემპიონთა ლიგაზე ბენფიკასთან მატჩის წინ - ბაიერნს ერთი ფეხბურთელი გამოაკლდა

დღეს, ბაიერნის მატჩისწინა ვარჯიში ორმა ფეხბურთელმა - ლეონ გორეცკამ და ალფონსო დევისმა გამოტოვა.

როგორც გერმანული გამოცემები ირწმუნებიან, ჩემპიონთა ლიგის მატჩს, ბენფიკას წინააღმდეგ ალფონსო დევისი ბარძაყის ტრავმის გამო გამოტოვებს. რაც შეეხება ლეონ გორეცკას, ფეხბურთელი დიდი ალბათობით განაცხადში მაინც იქნება.

ამას გარდა, ბაიერნს რამდენიმე დღის წინ სარეზერვო მეკარე, ულრაიხი დააკლდა, რომელსაც მუხლის ტრავმა აწუხებს.

შეგახსენებთ, აღნიშნული შეხვედრა 20 ოქტომბერს, 23:00 საათზე გაიმართება.