ჰოფენჰაიმთან მატჩის შემდეგ, კიმიხმა ისაუბრა თუ რატომ არ აცრილა ამ დრომდე

დღეს, ბუნდესლიგის მე-9 ტურის შეხვედრაში, ბაიენმა შინ ჰოფენჰაიმი მიიღო და მეტოქე 4:0 გაანადგურა.

აღნიშნული მატჩის შემდეგ, ბავარიელთა შუახაზელმა იოზუა კიმიხმა Sky Sports-თან ინტერვიუში იმის შესახებ ისაუბრა, თუ რატომ არ აცრილა ამ დრომდე:

'რა თქმა უნდა ვაცნობიერებ ჩემს პასუხისმგებლობას და ამიტომაც ვიცავ ჰიგიენურ ზომებს და ვიტარებ ტესტირებას ყოველ ორ-სამ დღეში ერთხელ.

მიუხედავად იმისა, რომ დღემდე არ ავცრილვარ, მე არც კოვიდის უარმყოფელი და არც ანტი ვაქსერი ვარ. ასევე - კატეგორიულად არასდროს მითქვამს, რომ არ ავიცრები სამომავლოდ. სავსებით შესაძლებელია, რომ აცრა ახლო მომავალში გავიკეთო.', - განაცხადა კიმიხმა.