სავალდებულო აცრა ფეხბურთელებს - სალიჰამზიჩის კომენტარი ახალ ინიციატივაზე

მოგეხსენებათ, მიუნხენის ბაიერნში მცირე კოვიდ აფეთქებაა, რის გამოც გუნდს რამდენიმე მოთამაშე აკლია და ისინი შიდაიზოლაციაში იმყოფებიან, გარდა მიუნხენისა, კოვიდ სიტუაცია მთელს გერმანიაში გართულდა.

სწორედ ამ მიზეზებიდან გამომდინარე, გერმანიის ფეხბურთის ფედერაცია საკუთარ ჩემპიონატში მოთამაშე ფეხბურთელების აცრას აპირებს, თუმცა ეს ნებაყოფლობითი არ იქნება.

აღნიშნულ საკითხზე კომენტარი ბაიერნის სპორტულმა დირექტორმა ჰასან სალიჰამიჯიჩმაც გააკეთა:

'პოლიტიკოსები გადაწყვეტენ ამ საკითხს, ჩვენ კი მივიღებთ მათ გადაწყვეტილებას და როგორც საჭირო იქნება ისე მოვიქცევით. მე მჯერა, რომ ყველა ჩვენგანმა უნდა მივიღოთ კანონები ამ ქვეყანაში, აქ სიტუაცია მხოლოდ ფეხბურთს აღარ ეხება', - განაცხადა ჰასანმა.