ნოიერმა ლივერპულთან თამაშში კარიერული რეკორდი დაამყარა

ჩემპიონთა ლიგის პირველი მერვედფინალური შეხვედრა "ლივერპულსა" და მიუნხენის "ბაიერნს" შორის საკმაოდ დაძაბულად და ინტენსიურად წარიმართა.

"ენფილდზე" გუნდებმა მოედანი გოლების გარეშე დატოვეს, ხოლო "რეკორდმაისტერის" კაპიტანსა და გოლკიპერს, მანუელ ნოიერს, შთამბეჭდავი სტატისტიკური მაჩვენებელი ჰქონდა.

32 წლის გერმანელს კარის ხაზზე ბევრი საქმე არ ჰქონია, მაგრამ თამაშში აქტიურად იყო ჩართული და ბურთს 70-ჯერ შეეხო.

70 შეხება ბურთთან ფეხით ჩემპიონთა ლიგის თამაშში - მანუელ ნოიერის კარიერული რეკორდია!

საპასუხო მატჩი "ალიანს არენაზე" 13 მარტს, ჩვენი დროით 00:00 საათზე, გაიმართება.