გნაბრიმ მარიო გომესის მიღწევა გაიმეორა

დღეს საღამოს ლონდონში მიუნხენის "ბაიერნის" ახალგაზრდა გარემარბის, სერჟ გნაბრის, ბენეფისი შედგა!

"რეკორდმაისტერმა" ლონდონის "ტოტენჰემი" გასვლაზე 7:2 გაანადგურა და საღამოს მთავარი გმირი გნაბრი გახდა.

24 წლის გერმანელმა პოკერი გაიფორმა და გახდა მხოლოდ მეორე გერმანელი მოთამაშე და ასევე მხოლოდ მეორე "ბაიერნის" მოთამაშე, რომელმაც ჩემპიონთა ლიგის ერთ მატჩში 4 გოლის გატანა მოახერხა.

სერჟმა მარიო გომესის მიღწევა გაიმეორა. გომესმა "ბაიერნის" მაისურით ჩემპიონთა ლიგაზე პოკერი 7 წლის წინ, 2012 წელს, 1/8 ფინალურ ეტაპზე მიუნხენში "ბაზელს" (7:0) გაუტანა.

აღსანიშნავია, რომ სერჟ გნაბრისთვის ეს პირველი გოლებია ჩემპიონთა ლიგაზე.