ნოიერი ტერ შტეგენი არგენტინასთან კარგი იყო

გერმანიის ეროვნული ნაკრების კაპიტანმა და მეკარემ, მანუელ ნოიერმა, ესტონეთთან თამაშისწინა პრესკონფერენციაზე რამდენიმე თემაზე ისაუბრა.

კარიერის დასრულებაზე ეროვნულ გუნდში: "ამ დროისთვის, ამ თემაზე საუბარს არ ვაპირებ. ვარ ფორმაში და კარგად ვმუშაობ, არ არსებობს მიზეზი, რომ ვიფიქრო კარიერის დასრულება".

კაი ჰავერტცზე: "ნაკრებში იმ ფეხბურთელთა შორისაა, რომლებმაც ასეთ ასაკში საკუთარი თავის გამოვლინება მოახერხეს. მას აქვს შესანიშნავი შეტევითი თვისებები, რომლითაც იგი მომავალში განაგრძობს განვითარებას. ამის გამო ჩვენი მომავალი საკმაოდ პოზიტიური ჩანს".

ტერ შტეგენზე: "ჩვენ კარგი ურთიერთობა გვაქვს. მარკმა კარგად ითამაშა არგენტინის წინააღმდეგ. ჩვენთვის მხოლოდ გუნდია აქტუალური, მე და მარკი კი ხშირად ვუკავშირდებით ერთმანეთს".

ალექსანდრე ნიუბელზე: "ის დიდ პროგრესს განიცდის. მას ჯერ კიდევ სჭირდება გამოცდილება. გერმანიის ნაკრებს კარგი მომავალი აქვს, თუნდაც მეკარეების სახით.

ის იქნება ჩემი მემკვიდრე? სავსებით შესაძლებელია".

დღეს საღამოს, ჩვენი დროით 22:45 საათზე, "ბუნდესნაკრები" ევრო 2020-ს შესარჩევი ეტაპის ეგიდით ესტონეთს ესტუმრება. დღეს კარს მანუ ნოიერი დაიცავს.