"ერთხელ ბაიერნშიც რომ გეთამაშა, ლიგას მოიგებდი", - შვაინშტაიგერი იბრას ფეხბურთიდან წასვლაზე წერს (ფოტო)

მოგეხსენებათ, რამდენიმე დღის წინ მილანმა სეზონის უკანასკნელი მატჩი ჩაატარა და ლეგენდარულ 41 წლის ფორვარდს, ზლატან იბრაჰიმოვიჩსაც დაემშვიდობა.

შვედი ფეხბურთელის კარიერის დასასრულს სოციალურ ქსელში მიუნხენის ბაიერნიც ყოფილი ნახევარმცველი, ბასტიან შვაინშტაიგერიც გამოეხმაურა:

"რა კარიერა, რა მოთამაშე! შენი ხედვა მოედანზე ყოველთვის გამორჩეული იყო, შენ ერთ-ერთი იმ 3 საუკეთესო მოთამაშეთაგანი ხარ, ვისთანაც მოედანზე მითამაშია. შენი თამაშის სტილი არა მხოლოდ უნიკალური, არამედ წარმატებულიც იყო, რასაც ყველა მოგებული ტიტული მოწმობს.

და ასევე, რაც ძალიან მნიშვნელოვანია, ყოველთვის იცოდი როგორ უნდა გაგერთო ხალხი - მოგვენატრება შენი მოედანზე ხილვა ზლატან!

PS: კარიერის მანძილზე მიუნხენის ბაიერნში რომ გეთამაშა, ჩემპიონთა ლიგის მოგებას ერთხელ მაინც მოახერხებდი", - წერს შვაინშტაიგერი.