"ბაიერნისთვის ყველაფერს გავაკეთებ.." - ზაბიცერის პირველი კომენტარი ტრანსფერის შემდეგ

რამდენიმე წუთის წინ, ბაიერნის ოფიციალურმა გვერდმა მარსელ ზაბიცერის ტრანსფერი დაადასტურა.

ავსტრიელმა ფეხბურთელმა კლუბთან 4-წლიანი კონტრაქტი გააფორმა და ამ დროის განმავლობაში, 18-ნომრიანი მაისურით ითამაშებს.

აღნიშნული ტრანსფერი რეკორდმაისტერს16 მილიონი ევროა დაუჯდა.

კლუბში გადმოსვლის შემდეგ, ბაიერნის პრესს-სამსახურთან 27 წლის ნახევარმცველმა პირველი კომენტარიც გააკეთა:

'ძალიან ბედნიერი ვარ, რომ ბაიერნში თამაშის საშუალება მომეცა. ბავშვობაში, ჩემი ბაიერნის მაისურებით მუდამ ვამაყობდი და ყოველ შობას, ახალს ვიღებდი საჩუქრად. 

მე ყველაფერს გავაკეთებ ამ კლუბისთვის - რაც შეიძლება ბევრი მატჩის და ტიტულის მოგება მსურს.' - განაცხადა ზაბიცერმა.

ასევე: როგორი იქნება ბაიერნის სასტარტო შემადგენლობა ზაბიცერთან ერთად? (ფოტო)