ზიულე მინდა რომ ბაიერნის დაცვის ლიდერი გავხდე

მიუნხენური გრანდის ახალგაზრდა ცენტრალურმა მცველმა, ნიკლას ზიულემ, თავის სამომავლო მიზნებზე ისაუბრა.

"მინდა, რომ უფრო მეტი პასუხისმგებლობა ავიღო, უკეთ ვითამაშო, ნაკლები შეცდომა დავუშვა და მეტი გოლი გავიტანო.

როდესაც შენი ბოსი (იგულისხმება კარლ-ჰაინც რუმენიგე) ამბობს, რომ საუკეთესო გერმანელი ცენტრალური მცველი ხარ, ეს არანორმალურ ბედნიერებას განიჭებს.

მოვედი "ჰოფენჰაიმიდან", სრულიად არარაობა ვიყავი და მივიღე შანსი. საკუთარი თამაშით მინდა მადლობა გადავუხადო ადამიანებს, რომლებიც დამეხმარნენ და აქამდე მომიყვანეს. მათ იმედებს არ გავუცრუებ", - განაცხადა 23 წლის გერმანელმა.

ნიკლას ზიულე "რეკორდმაისტერმა" 2017 წლის ზაფხულში "ჰოფენჰაიმიდან" 20 მილიონ ევროდ დაიმატა და გასულ სეზონში ახალგაზრდა გერმანელი დაცვის უცვლელი წევრი გახდა.

ნიკლას ზიულემ 2018/19 წლების სეზონში 42 მატჩი ჩაატარა და ორი გოლიც გაიტანა.