კოუტინიო კლოპმა ბაიერნში გადასვლა მომილოცა

მიუნხენური კლუბის შემტევმა, ფილიპე კოუტინიომ, დაადასტურა, რომ "ბაიერნში" გადასვლის შემდეგ ყოფილ დამრიგებელთან საუბარი ჰქონდა.

"იურგენ კლოპი დიდებული მწვრთნელია, მსოფლიოში ერთ-ერთი საუკეთესო. ის ნამდვილი ლიდერია, მენტალურად უნიკალური პიროვნებაა!

მისგან, ძალიან ბევრი რამ ვისწავლე, განსაკუთრებით ფსიქოლოგიური თვალსაზრისით.

მან "ლივერპული" შეცვალა. მასთან ერთად კლუბმა თავიდან დაიწყო სუნთქვა, მან ეს გუნდი კვლავ ძალიან ძლიერი გახადა. მასთან ერთად მუშაობა პატივი იყო.

მან დამირეკა და მითხრა, რომ "ბაიერნი" დიდი კლუბია და ბუნდესლიგა დიდებული ჩემპიონატი. აღნიშნა, რომ ჩემი ტრანსფერით ძალიან ბედნიერია", - განაცხადა კოუტინიომ.

27 წლის ბრაზილიელი 2015-18 წლებში "ლივერპულში" სწორედ კლოპის ხელმძღვანელობით ასპარეზობდა და 2018 წლის იანვარში შეუერთდა კატალონიის "ბარსელონას".

კოუტინიო მიუნხენელებმა ერთწლიანი იჯარის წესით და გამოსყიდვის უფლებით დაიმატეს.