მიუნხენის "ბაიერნისა" და გერმანიის ეროვნული ნაკრების ლეგენდამ, ლოთარ მათეუსმა თომას მიულერის შესახებ ისაუბრა.

"ვფიქრობ, ლიოვმა ევრო 2020-ისთვის თომას მიულერი ნაკრებში უნდა დააბრუნოს და საამისოდ ორი მიზეზი არსებობს. ხარისხი და მენტალობა."

"თუ ის სეზონის ბოლომდე შეინარჩუნებს ამჟამინდელ ფორმას, აუცილებლად ერთ-ერთი საუკეთესო იქნება. მას ამ მომენტში ნამდვილად გააჩნია ხარისხი."

"გარდა ამისა, თომასს შეუძლია გუნდს სათადარიგოთა სკამიდანაც ულიდეროს. მისი გამოცდილებისა და მენტალობიდან გამომდინარე ის ძალიან დაეხმარება გუნდს მოტივაციის გაზრდასა და წარმატებისკენ სწრაფვაში." - აცხადებს მათეუსი.

31-03-2021, 14:26

sandro

მეტის ნახვა

მიუნხენის "ბაიერნის" დირექტორთა საბჭოს წევრმა, კარლ-ჰაინც რუმენიგემ ერლინ ჰოლანდის შესახებ ისაუბრა.

"ჰოლანდის ტრანსფერი? არც კი ვიცი საიდან გაჩნდა ეს ჭორები. მხოლოდ იმის თქმა შემიძლია, რომ ახლა ჩვენ ამ პოზიციაზე მსოფლიოს საუკეთესო ფეხბურთელი გვყავს."

"ლევანდოვსკის კლუბთან კონტრაქტი 2023 წლამდე აკავშირებს. ის საოცარ ფორმაშია და მისი პროფესიონალიზმიდან გამომდინარე ვეჭვობ, რომ დასასრული ახლოს იყოს."

"ამჟამად ლევანდოვსკი თავისი ფორმის პიკშია და ახალი რეკორდების მოხსნას უმიზნებს." - აცხადებს რუმენიგე.

31-03-2021, 13:29

sandro

მეტის ნახვა

როგორც ჩანს, ჩემპიონთა ლიგის 1/4 ფინალში "ბაიერნის" გარდა ასევე "პსჟც" დიდი დანაკლისით ითამაშებს.

ევროპული გამოცემების ინფორმაციით, პარიზულ კლუბს ცენტრალური ნახევარმცველი, მარკო ვერატი გამოაკლდათ.

როგორც ცნობილია, 28 წლის ფეხბურთელმა ბულგარეთის ეროვნულ ნაკრებთან დაზიანება მიიღო და 10 დღის განმავლობაში ვერ შეძლებს მინდორზე დაბრუნებას. მისი თამაში "ბაიერნის" წინააღმდეგ, ფაქტობრივად, გამორიცხულია.

შეგახსენებთ, რომ ტრავმის გამო "რეკორდმაისტერს" ხსენებულ დაპირისპირებაში რობერტ ლევანდოვსკი ვერ დაეხმარება.

30-03-2021, 22:28

sandro

მეტის ნახვა

ცოტა ხნის წინ დადასტურებული ინფორმაციის თანახმად, რობერტ ლევანდოვსკი ჩემპიონთა ლიგის 1/4 ფინალურ ეტაპზე "პსჟსთან" გასამართ ორივე მატჩს გამოტოვებს.

ამ სიახლის გავრცელებიდან მალევე საბუკმეიკერო კანტორებმა საკუთარი კოეფიციენტები განაახლეს და მათი აზრით, "ბაიერნის" შანსები საგრძნობლად არის შემცირებული.

კერძოდ, თუ თავდაპირველად "ბაიერნის" შემდგომ ეტაპზე გასვლას 1.5 კოეფიციენტით აფასებდნენ, ახლა ის დაახლოებით 20%-ით არის გაზრდილი და 1.75-ს შეადგენს. "პსჟს" კოეფიციენტმა კი 2.6-დან 2.1-მდე დაიწია.

რაც შეეხება ჩემპიონობის კოეფიციენტს, ამ შემთხვევაში "ბაიერნის" შანსები მცირედით შემცირდა და ამჟამად კოეფიციენტი 4.7-ის ნაცვლად 5.0-ს შეადგენს.

30-03-2021, 20:45

sandro

მეტის ნახვა

დღეს მიუნხენის "ბაიერნის" ოფიციალურმა საიტმა დაადასტურა, რომ რობერტ ლევანდოვსკი 4 კვირის განმავლობაში ვერ დაეხმარება გუნდს.

უკვე გადაწყვეტილია, რომ პოლონელი ფორვარდი "პსჟსთან" გასამართ ჩემპიონთა ლიგის 1/4 ფინალურ მატჩებში მონაწილეობას ვერ მიიღებს. გარდა ამისა, ის ბუნდესლიგის თამაშებშიც დააკლდება გუნდს.

კერძოდ, ლევანდოვსკი სავარაუდოდ ბუნდესლიგის მომდევნო 5 მატჩში ვერ მიიღებს მონაწილეობას. არადა, კლუბს სწორედ ამ პერიოდში უწევს საკმაოდ რთული თამაშების ჩატარება.

შაბათს "ბაიერნი" "ლაიფციგს" ეთამაშება. პარიზელებთან ჩემპიონთა ლიგის მატჩების შუალედში კი "უნიონს" მიიღებს, რომელიც გრანდებთან საკმაოდ კარგად თამაშობს.

შემდგომ ტურებში გუნდს "ვოლფსბურგთან", "ლევერკუზენთან" და "მაინცთან" უწევს დაპირისპირება და სავარაუდოდ, ამ თამაშების შემდეგ დაბრუნდება ლევანდოვსკი.

30-03-2021, 20:37

sandro

მეტის ნახვა

მოგეხსენებათ, ანდორასთან გამართული სანაკრებო მატჩის დროს "ბაიერნის" ლიდერმა, რობერტ ლევანდოვსკიმ დაზიანება მიიღო და მინდორი დატოვა.

თავდაპირველი მონაცემებით, პოლონელ ფორვარდს 5-10 დღე უნდა დაესვენა და დაბრუნებულიყო, თუმცა, სამწუხაროდ კლუბის ოფიციალურმა საიტმა უფრო მძიმე მონაცემები გამოაქვეყნა.

წყაროს ცნობით, 32 წლის ფეხბურთელს 4 კვირის განმავლობაში ვეღარ ვიხილავთ მინდორზე. მისი თამაში "პსჟს" წინააღმდეგ ორივე 1/4 ფინალურ მატჩში გამორიცხულია.

ასევე, უცნობია, მოასწრებს თუ არა ლევანდოვსკი 1/2 ფინალურ ეტაპამდე დაბრუნებას. არ არის გამორიცხული, გასვლის შემთხვევაში პოლონელი "ბაიერნს" ვერც ამ ეტაპზე დაეხმაროს.

30-03-2021, 20:12

sandro

მეტის ნახვა

მიუნხენის "ბაიერნის" ლიდერმა, თომას მიულერმა თავის მომავალზე საინტერესო განცხადება გააკეთა.

"მე განსაკუთრებული ურთიერთობა მაქვს, "ბაიერნი" ჯერ კიდევ მაშინ მიყვარდა, სანამ ამ კლუბში ვითამაშებდი, მაგრამ, როდესაც დგება ისეთი სიტუაცია, რომ შეიძლება სხვა კლუბში ითამაშო, ამაში სასირცხვილო არაფერია."

"მე "ბაიერნზე" მიკერებული არ ვარ, შეიძლება, ადრე თუ გვიან იგივე გავაკეთო, რაც ტიაგო ალკანტარამ." - აცხადებს მიულერი.

30-03-2021, 14:22

sandro

მეტის ნახვა

ტურინის "იუვენტუსის" რადარზე მიუნხენის "ბაიერნის" ნახევარმცველი, კორენტინ ტოლისო გამოჩნდა.

იტალიური გამოცემა Calciomercato-ს ინფორმაციით, "ბებერი სინიორას" სპორტული დირექტორი, ფაბიო პარატიჩი აქტიურად აკვირდება ახალგაზრდა ნახევარმცველის ირგვლივ არსებულ სიტუაციას.

წყაროს ცნობით, მომავალ ზაფხულს ტურინელთა ერთ-ერთი მთავარი სამიზნე სწორედ ტოლისო იქნება.

შეგახსენებთ, რომ "ბაიერნსა" და "იუვენტუსს" შორის ძალიან კარგი ურთიერთობა არსებობს, რაც ტრანსფერის წარმატების შანსებს ერთი-ორად ზრდის.

30-03-2021, 00:55

sandro

მეტის ნახვა

დორტმუნდის "ბორუსიას" ამომავალმა ვარსკვლავმა, ერლინ ჰოლანდმა მანუელ ნოიერის შესახებ ისაუბრა.

"მანუ ყველასგან განსხვავებულია. ის ათწლეულის განმავლობაში ერთ-ერთი საუკეთესოა და ამას ყოველთვის ამტკიცებს."

"მეკარეების 97% დარტყმის წინ წვება და სწორედ ასე ვახერხებ გატანას. ნოიერი კი ასე არ იქცევა, ფეხზე დგას, რაც საქმეს ძალიან ართულებს." - აცხადებს ჰოლანდი.

30-03-2021, 00:29

sandro

მეტის ნახვა

ესპანეთთან ბრწყინვალედ ჩატარებული შეხვედრის შემდეგ ევროპული პრესა აქტიურად იწერება ხვიჩა კვარაცხელიას შესახებ.

ამჯერად ქართველი ვინგერი გამოცემა estadio deportivo-ს ობიექტივზე მოხვდა. ესპანურმა საიტმა ხვიჩას აგენტის, მამუკა ჯუღელის ციტირებაც მოახდინა.

"დარწმუნებული ვარ, ხვიჩა აუცილებლად ითამაშებს "რეალში" ან "ბაიერნში". - წერს ესპანური გამოცემა ჯუღელის სიტყვებს.

სტატიაშივე ასევე აღნიშნულია, რომ კვარაცხელიას დამატების ინტერესი კიდევ ერთმა კლუბმა, "სევილიამ" გამოთქვა.

29-03-2021, 23:38

sandro

მეტის ნახვა

მიუნხენის "ბაიერნის" ვეტერანმა ფეხბურთელმა, ჰელგერ ბადშტუბერმა გუნდის ახალწვეული, დაიოტ უპამეკანო გააკრიტიკა.

"ვფიქრობ, დაიოტს გაუჭირდება გუნდის ლიდერი გახდეს და ამისთვის მიზეზებიც არსებობს. ის ზედმეტად მშვიდია."

"გუნდის ლიდერი მუდამ მითითებებს უნდა აძლევდეს ფეხბურთელებს, მათ მუხტავდეს, ამ ყველაფერს კი უპამეკანოში ვერ ვხედავ. ვფიქრობ, ლუკას ერნანდესი უფრო მეტად შეძლებს გუნდის ლიდერობას." - აცხადებს ბადშტუბერი.

შეგახსენებთ, რომ ფრანგი ცენტრალური მცველი "ბაიერნმა" თებერვალში გაიფორმა და ის ზაფხულის სატრანსფერო ფანჯრის გახსნისთანავე შეუერთდება გუნდს.

29-03-2021, 22:58

sandro

მეტის ნახვა

რობერტ ლევანდოვსკი ფენომენალურ ფორმაშია და ამაზე სტატისტიკაც მოწმობს.

უკვე ზედიზედ 10 ოფიციალური შეხვედრაა, რაც პოლონელი თავდამსხმელი მინდორს გოლის გატანის გარეშე არ ტოვებს. ამ პერიოდში მან ისეთი გუნდების კარები დალაშქრა, როგორებიცაა "ლაციო" (ორივე მატჩში), "დორტმუნდი" და უნგრეთის ნაკრები.

ყველაზე მეტად ბოლო შეხვედრებში "დორტმუნდსა" და "შტუტგარტს" არ გაუმართლათ. ორივე გუნდის კარი ლევანდოვსკი სამ-სამჯერ აიღო. ბოლო 10 თამაშში კი 16 გოლს შეადგენს.

საერთო ჯამში პოლონელმა 2021 წელს 20 შეხვედრა ჩაატარა და აქედან მხოლოდ სამში ვერ შეძლო გოლის გატანა. მისი მონაგარი 25 გოლს შეადგენს და შეიძლება ითქვას, რომ ოქროს ბურთის მოგების მთავარი ფავორიტიც არის.

29-03-2021, 15:06

sandro

მეტის ნახვა

მიუნხენის "ბაიერნისა" და გერმანიის ეროვნული ნაკრების ლიდერმა, იოზუა კიმიხმა რუმინეთთან მატჩის შემდეგ პირველი კომენტარი გააკეთა.

"დღეს იმაზე მეტად გავირთულეთ საქმე, ვიდრე საჭირო იყო. 90 წუთის განმავლობაში გაგვიმართლა, რომ მეტოქემ არ გაგვითანაბრა. თამაშის ბედი უფრო ადრე უნდა გადავწყვიტოთ ხოლმე."

"ვფიქრობ, შეხვედრას ჩვენ ვაკონტროლებდით, მაგრამ არაერთი მომენტი გავაფუჭეთ და გადავრჩით, რომ მეტოქემ არ დაგვსაჯა."

"ბოიკოტი ყატარის მსოფლიო ჩემპიონატს? ჩემი აზრით ამის გაკეთება ყველამ 10 წლით დავაგვიანეთ." - აცხადებს კიმიხი.

29-03-2021, 14:54

sandro

მეტის ნახვა

მიუნხენის "ბაიერნის" გარემარბმა, სერჟ გნაბრიმ ყოფილი და მოქმედი თანაგუნდელებისგან შემდგარი სიმბოლური ნაკრები დაასახელა.

თერთმეტეული უმეტესად "რეკორდმაისტერის" ფეხბურთელებით არის დაკომპლექტებული და სულ 7 მათგანი მოხვდა.

სრული შემადგენლობა შემდეგნაირად გამოიყურება:

29-03-2021, 14:50

sandro

მეტის ნახვა

მიუნხენის "ბაიერნის" აღმასრულებელი საბჭოს წევრმა, ული ჰიონესმა ზლატან იბრაჰიმოვიჩის შესახებ ისაუბრა.

"ზლატანი დიდებული ფეხბურთელია და ამაზე ორი აზრიც არ არსებობს. 40 წლის ასაკშიც ახერხებს, რომ კვლავ უმაღლეს დონეზე ითამაშოს."

"ჩვენ მისი დამატების შანსი მართლაც გვქონდა და მოლაპარაკებებიც მიმდინარეობდა, თუმცა, იბრაჰიმოვიჩმა უზარმაზარი ხელფასი მოითხოვა და ამან ყველაფერი ჩაშალა." - აცხადებს ჰიონესი.

29-03-2021, 14:07

sandro

მეტის ნახვა

სანაკრებო პაუზას მიუნხენის "ბაიერნისთვის" იდეალურად არ ჩაუვლია. ტრავმირებულთა სიას კიდევ 2 წევრი შეემატა.

ანდორის ნაკრებთან გამართულ შეხვედრაში რობერტ ლევანდოვსკიმ მუხლის დაზიანება მიიღო, რის გამოც მინდვრიდან გავიდა. უკვე გადაწყვეტილია, რომ პოლონელი ინგლისთან დაპირისპირებაში მონაწილეობას ვერ მიიღებს.

დიდი ალბათობით, ლევანდოვსკის აღდგენით პერიოდს ხუთიდან ათ დღემდე დასჭირდება და შესაბამისად, მისი თამაში "ლაიფციგის" წინააღმდეგ, ფაქტობრივად, გამორიცხულია.

ასევე კითხვის ნიშნის ქვეშ დგას ნიკლას ზულეს ასპარეზობაც. გერმანელი ნაკრებთან ერთად შეკრებაზე ტრავმირებული წავიდა, თუმცა, ამ დრომდე ბოლომდე მორჩენა ვერ მოახერხა და სავარაუდოდ, ვერც მას ვიხილავთ "ხარების" წინააღმდეგ.

შეგახსენებთ, რომ დისკვალიფიკაციის გამო შაბათს გუნდს ასევე ჟერომ ბოატენგი და ალფონსო დეივისიც ვერ დაეხმარებიან.

29-03-2021, 13:43

sandro

მეტის ნახვა