მიუნხენის "ბაიერნის" მთავარმა მწვრთნელმა, ჰანს ფლიკმა "ლაციოს" დამარცხების შემდეგ პრესასთან ისაუბრა.

"მნიშვნელოვანი გამარჯვება მოვიპოვეთ. "ლაციო" კარგად იცავდა თავს, თუმცა, ვფიქრობ დამსახურებული გამარჯვება მოვიპოვეთ. ცუდია, რომ კვლავ გავუშვით გოლი."

"ჩვენ ძლიერი შეტევა გვყავს და რისკიან ფეხბურთს ვთამაშობთ. მნიშვნელოვანია, რომ ასე გამოსვლა გავაგრძელოთ და მეტოქე წნეხში მათსავე ნახევარზე მოვაქციოთ. რა თქმა უნდა, ასეთ დროს მათ უფრო მეტი შანსები აქვთ, მაგრამ ეს ჩვენი სათამაშო სტილია."

"ამ მომენტში ყველაზე მნიშვნელოვანი არის ის, რომ ძლიერი ოპონენტი გვყავდა და დავამარცხეთ. ვერ გეტყვით ვინ შეგვხვდება შემდეგ რაუნდში. თუ არასასურველ მეტოქეს დავასახელებ, დარწმუნებული ვარ სწორედ ის შეგვხვდება, ამიტომ არ ვაპირებ ამის გაკეთებას (იცინის)."

"მე და სალიჰამიჯიჩი ერთმანეთს დიდ პატივს ვცემთ. დღეს მცირე დიალოგი გვქონდა, რაც გუნდის სასიკეთო საქმეებს ეხებოდა." - აცხადებს ფლიკი.

18-03-2021, 13:51

sandro

მეტის ნახვა

ჩემპიონთა ლიგის 1/8 ფინალური ეტაპი უკვე დასრულდა და ვიცით, თუ რა გუნდები იასპარეზებენ 1/4 ფინალში.

აღსანიშნავია, რომ შესანიშნავი რეკორდი დაამყარეს გერმანელმა მწვრთნელებმა. კერძოდ, ტურნირის ისტორიაში პირველად, 1/4 ფინალში 4 მწვრთნელი ერთი ქვეყნის წარმომადგენელი იქნება.

გარდა ჰანს ფლიკის დამოძღვრილი მიუნხენის "ბაიერნისა", კიდევ სამმა გერმანელმა სპეციალისტმა მოახერხა საკუთარი გუნდის საუკეთესო 8 გუნდში გაყვანა. მსგავსი შედეგი კი ისტორიაში არცერთ ქვეყანას არ ჰქონია.

იურგენ კლოპის "ლივერპული", თომას ტუხელის "ჩელსი", ჰანს ფლიკის "ბაიერნი" და ედინ ტერზიჩის "დორტმუნდი". ეს იმ გერმანელი მწვრთნელების ჩამონათვალია, რომელთა კლუბებიც ჩემპიონთა ლიგის 1/4 ფინალში არიან.

18-03-2021, 02:27

sandro

მეტის ნახვა

ჩემპიონთა ლიგის 1/8 ფინალის განმეორებით მატჩში "ბაიერნმა" საკუთარ კედლებში "ლაციო" მიიღო და 2:1 დაამარცხა.

მორიგი გამარჯვების შემდეგ "რეკორდმაისტერის" ლიდერმა, იოზუა კიმიხმა პრესასთან პირველი კომენტარი გააკეთა.

"მნიშვნელოვანი გამარჯვება მოვიპოვეთ. თავიდანვე ვაჩვენეთ ყველას, რომ დღეს მინდორზე მოსაგებად ვიყავით გამოსულები."

"რა თქმა უნდა, ჩვენს გონებაში პირველი წრის მატჩი გვიტრიალებდა. პირველ ტაიმში საკმაოდ მცირე რაოდენობის მომენტები შეგვექმნა, თუმცა, საბოლოოდ ყველას ვაჩვენეთ, რომ თითოეულ მატჩში მოსაგებად გამოვდივართ." - აცხადებს კიმიხი.

18-03-2021, 02:21

sandro

მეტის ნახვა

ჩემპიონთა ლიგის 1/8 ფინალური ეტაპის განმეორებით მატჩში მიუნხენის "ბაიერნმა" რომის "ლაციო" მიიღო და ანგარიშით 2:1 დაამარცხა.

გთავაზობთ ფეხბურთელების შეფასებებს გამოცემა Whoscored-ის ვერსიით.

18-03-2021, 01:50

sandro

მეტის ნახვა

დღეს ჩემპიონთა ლიგის 1/8 ფინალური ეტაპი დასრულდა და უკვე გაირკვა იმ რვა გუნდის ვინაობა, რომლებიც დასკვნით ეტაპზე იასპარეზებენ.

მიუნხენის "ბაიერნის" გარდა 1/4 ფინალის საგზური ასევე მოიპოვეს შემდეგმა გუნდებმა: "რეალი", "ჩელსი", "პსჟ", "დორტმუნდი", "პორტუ", "ლივერპული" და "სიტი".

ამ ეტაპიდან შეზღუდვები უკვე აღარ არსებობს და "ბაიერნი" შესაძლოა ნებისმიერ გუნდს შეხვდეს, მათ შორის გერმანულ "დორტმუნდსაც".

საინტერესოა, რომ წინა სეზონის მსგავსად მიმდინარე სეზონშიც 1/4 და 1/2 ფინალური ეტაპების წილისყრა ერთსა და იმავე დღეს გაიმართება.

წილისყრა პარასკევს, 19 მარტს, თბილისის დროით 15:00 საათზე გაიმართება და სწორედ ამ დროს გაირკვევა "ბაიერნის" სავარაუდო გზა ფინალამდე.

18-03-2021, 01:43

sandro

მეტის ნახვა

"ბაიერნისა" და "ლაციოს" შეხვედრის მეორე ტაიმში უსიამოვნო ფაქტი დაფიქსირდა.

სტუმართა ნახევარმცველმა, მანუელ ლაზარიმ შეჯახების შემდეგ თითი მოიტეხა. ის მომენტის დასრულებისთანავე გაიყვანეს მინდვრიდან.

იხილეთ ვიდეო.

18-03-2021, 01:27

sandro

მეტის ნახვა

მიუნხენის "ბაიერნისა" და რომის "ლაციოს" შეხვედრის 33-ე წუთზე რობერტ ლევანდოვსკიმ ანგარიში გახსნა.

პოლონელი ფორვარდი 2021 წელს, შეიძლება ითქვას, რომ ფენომენალურ ფორმაშია და ამაზე მისი სტატისტიკაც მოწმობს.

ლევანდოვსკიმ ახალი წლის დაწყების შემდეგ 16 შეხვედრაში მიიღო მონაწილეობა და ჯამში 18 გოლი გაიტანა. საინტერესოა, რომ მხოლოდ 3 შეხვედრა იყო ისეთი, სადაც მან მეტოქეთა კარი ვერ დალაშქრა. ესენია "კილთან" თასის დაპირისპირება, "ჰერტასთან" ბუნდესლიგაში და "ტიგრესთან" მუნდიალის ფინალში.

18-03-2021, 00:47

sandro

მეტის ნახვა

"ბაიერნისა" და "ლაციოს" შეხვედრის 33-ე წუთზე რობერტ ლევანდოვსკიმ თერთმეტმეტრიანი დარტყმით ანგარიში გახსნა.

იხილეთ ვიდეო.

18-03-2021, 00:37

sandro

მეტის ნახვა

ჩემპიონთა ლიგის 1/8 ფინალური ეტაპის განმეორებით მატჩში მიუნხენის "ბაიერნი" საკუთარ კედლებში რომის "ლაციოს" იღებს.

გთავაზობთ მატჩის საყურებელ ლინკებს:

ლინკი 1 (სილკ სპორტი)

ლინკი 2

​ლინკი 3​​​

​ლინკი 4​​​

​ლინკი 5​​​

17-03-2021, 23:48

sandro

მეტის ნახვა

ჩემპიონთა ლიგის 1/8 ფინალის განმეორებით მატჩში მიუნხენის "ბაიერნი" რომის "ლაციოს" უმასპინძლებს.

შეხვედრის დაწყებამდე 1 საათით ადრე მთავარმა მწვრთნელებმა სასტარტო შემადგენლობები დაასახელეს.

"ბაიერნი": ნუბელი - პავარი, ბოატენგი, ალაბა, ერნანდესი - კიმიხი, გორეცკა - სანე, მიულერი, გნაბრი - ლევანდოვსკი.

"ლაციო": რეინა - მარუშიჩი, აჩერბი, რადუ - ლაზარი, მილინკოვიჩ სავიჩი, ესლაკანტე, ფარესი, კორეა - ლუის ალბერტო, მურიქი.

17-03-2021, 22:59

sandro

მეტის ნახვა

მერსისაიდული "ლივერპულის" თავკაცმა, იურგენ კლოპმა რობერტ ლევანდოვსკი შეაქო.

"ის უდაოდ საუკეთესო ფეხბურთელია, ვინც ოდესმე გამიწვრთნია. უსამართლობა იქნება, სხვა ვინმე რომ დავასახელო. მან თავისი პოტენციალი სრულად გამოავლინა, რასაც ლევანდოვსკი აკეთებს, უბრალოდ ფენომენალურია."

"თუ ყველა ფეხბურთელს ისეთივე პროგრესი ექნება, როგორიც მას "ლეხში" თამაშიდან დღემდე აქვს, მაშინ ფეხბურთი რაღაც სიგიჟე იქნება. ყველა ფეხბურთელი გასაოცარი იქნება."

"ლევანდოვსკიმ თითოეული ნაბიჯი დიდი შრომით გაიარა, რათა აქამდე მოსულიყო. ის ნამდვილი მანქანაა. ყოველთვის იცის რა უნდა გააკეთოს." - აცხადებს კლოპი.

17-03-2021, 21:09

sandro

მეტის ნახვა

გუშინ გავრცელდა ინფორმაცია, რომლის მიხედვითაც რობერტ ლევანდოვსკის, დავიდ ალაბასა და ალფონსო დეივისს ნაკრებში თამაშის შემთხვევაში, შესაძლოა, კარანტინის გავლა დასჭირდეთ.

ამ თემაზე კომენტარი "ბაიერნის" მთავარმა მწვრთნელმა, ჰანს ფლიკმა გააკეთა.

"ქეთლინ კრიუგერს ყოველდღიური კომუნიკაცია აქვს ფეხბურთელებთან და შესაბამის პირებთან იმ ქვეყნებში, ვისაც ამაზე პასუხისმგებლობა აქვთ. არ ვაპირებთ რაიმე შანსის ხელიდან გაშვებას."

"იმ შემთხვევაში, თუ ფეხბურთელს კარანტინის გავლა უწევს, კლუბებს აქვთ საშუალება ჩაერიონ ასეთ საკითხებში. ჩვენ ყველა ფეხბურთელი გვჭირდება." - აცხადებს ფლიკი.

16-03-2021, 17:54

sandro

მეტის ნახვა

ტოპ ლიგებში მორიგი ტურის გასვლის შემდეგ ოქროს ბუცისთვის მებრძოლთა რეიტინგები განახლდა.

კვლავ დიდი სხვაობით ლიდერობს სიას "ბაიერნის" თავდამსხმელი, რობერტ ლევანდოვსკი, თუმცა, ამჯერად მასსა და უახლოეს მდევარს შორის სხვაობა შემცირდა.

პოლონელმა გასულ ტურში მხოლოდ 1 გოლის გატანა მოახერხა, თავის მხრივ კი კრისტიანო რონალდუმ 3-ჯერ აიღო მეტოქის კარი და ახლა უკკვე სხვაობა 11 გოლის ნაცვლად 9 გახლავთ.

სიაში მესამე ადგილზე გადაინაცვლა ლეო მესიმ. არგენტინელმა დუბლის გაფორმება მოახერხა "უესკას" წინააღმდეგ და ახლა ის ლევანდოვსკის 11 გოლით ჩამორჩება.

საუკეთესოთა სია სრულად შემდეგნაირად გამოიყურება:

16-03-2021, 16:14

sandro

მეტის ნახვა

ჩემპიონთა ლიგის 1/8 ფინალური ეტაპის განმეორებით მატჩში მიუნხენის "ბაიერნი" საკუთარ კედლებში რომის "ლაციოს" მიიღებს.

გთავაზობთ გუნდების სავარაუდო შემადგენლობებს მომავალი დაპირისპირებისთვის.

"ბაიერნი": ნოიერი - ზულე, ბოატენგი, ერნანდესი, დეივისი - კიმიხი, გორეცკა - გნაბრი, მიულერი, სანე - ლევანდოვსკი.

"ლაციო": რეინა - მუსაკიო, აჩერბი, რადუ - მარუშიჩი, მილინკოვიჩ სავიჩი, ესკალანტე, ლუის ალბერტო, ფარესი - კაისედო, იმობილე.

16-03-2021, 13:58

sandro

მეტის ნახვა

მიუნხენის "ბაიერნის" აღმასრულებელი საბჭოს წევრმა, ოლივერ კანმა სხვადასხვა მნიშვნელოვან თემებზე ისაუბრა.

"ჰოლანდის ტრანსფერი? არ მსურს სხვა გუნდის ფეხბურთელებზე საუბარი. ჩვენ ამ პოზიციაზე პრობლემა არ გაგვაჩნია. გვყავს რობერტ ლევანდოვსკი, რომელიც მსოფლიოში საუკეთესოა და ის კიდევ დიდი ხნის მანძილზე ითამაშებს უმაღლეს დონეზე."

"ალაბა ძალიან მოგვწონს. ის ექსტრაორდინალური ადამიანია, ყოველთვის მეგობრული და ღია. ყველაფერი გავაკეთეთ მის შესანარჩუნებლად, მაგრამ, არ გამოგვივიდა. მას ახალი გამოწვევები სურდა. მსგავსი რამები ხდება ფეხბურთში."

"ვიცით, რომ რამდენიმე ფეხბურთელს 2023 წელს გასდის კონტრაქტი, თუმცა, მანამდე ძალიან დიდი დროა და ახლა ამაზე ფიქრო ნაადრევია."

"უპამეკანოს ტრანსფერი ძალიან მნიშვნელოვანი იყო დავიდ ალაბას წასვლის შემდეგ დაცვის სიძლიერის შესანარჩუნებლად. ყველაფერთან ერთად ის მომავალი გუნდის შენებაში გამოგვადგება."

"ფლიკის სიტუაციაზე საერთოდ არ ვნერვიულობ, რადგან მას 2023 წლამდე აკავშირებს კონტრაქტი." - აცხადებს კანი.

16-03-2021, 00:15

sandro

მეტის ნახვა

გერმანული გამოცემა BILD საგანგაშო ინფორმაციას ავრცელებს. რობერტ ლევანდოვსკის, დავიდ ალაბასა და ალფონსო დეივისს, შესაძლოა, ჩემპიონთა ლიგის 1/4 ფინალური ეტაპის მატჩების გამოტოვება მოუწიოთ.

სამივე მათგანი ეროვნულ ნაკრებშია გამოძახებული. პოლონეთი 31 მარტს ინგლისში უნდა ჩავიდეს. საკარანტინო წესებიდან გამომდინარე, დიდი ბრიტანეთიდან გერმანიაში დაბრუნებულ ყველა პიროვნებას 14 დღიანი კარანტინის გავლა უწევს. შესაბამისად, თუ ლევანდოვსკი ინგლისელებთან დაპირისპირებაში მიიღებს მონაწილეობას, მას ამ კარანტინის გავლა მოუწევს.

იგივე სიტუაციაა დავიდ ალაბას შემთხვევაში, ოღონდ იმ განსხვავებით, რომ შეხვედრა 25 მარტს იმართება. რაც შეეხება ფონზის კანადის ნაკრებს, ეს გუნდი 28 მარტს თამაშობს.

შესაბამისად, არ არის გამორიცხული, ხსენებულმა ფეხბურთელებმა ჩემპიონთა ლიგის 1/4 ფინალში ვერ ითამაშონ. ამ ეტაპის შეხვედრები 6/7 და 13/14 აპრილს გაიმართება და სავარაუდოდ, ამ დროის გატარება მათ კარანტინში მოუწევთ.

15-03-2021, 23:18

sandro

მეტის ნახვა