მიუნხენის "ბაიერნის" ოფიციალურმა საიტმა დაადასტურა, რომ გუნდის რიგებს კამერუნელი თავდამსხმელი, ერიკ მაქსიმ ჩუპო-მოტინგი შეუერთდა.

31 წლის ფეხბურთელი კლუბს თავისუფალი აგენტის სტატუსით შეუერთდა და ერთწლიან კონტრაქტს მოაწერა ხელი.

ჩუპო მოტინგი "რეკორდმაისტერის" რიგებში ცამეტნომრიანი მაისურით ითამაშებს.

შეგახსენებთ, რომ უკანასკნელად ფეხბურთელი "პსჟს" რიგებში გამოდიოდა და ორწლიანი კარიერის განმავლობაში 51 მატჩში 9 გოლი გაიტანა.

5-10-2020, 18:09

sandro

მეტის ნახვა

სატრანსფერო ფანჯრის დახურვამდე მცირე ხნით ადრე მიუნხენის "ბაიერნმა" გააქტიურება დაიწყო.

იტალიური გამოცემების ინფორმაციით, "რეკორდმაისტერი" ძალიან ახლოს არის დუგლას კოშტას დაბრუნებასთან.

წყაროს ცნობით, ბრაზილიელი ვინგერი უკვე მიუნხენში იმყოფება, სადაც ხვალ სამედიცინო შემოწმებას გაივლის და ამის შემდეგ ტრანსფერი ოფიციალურად დადასტურდება.

კოშტა "ბაიერნში" ერთწლიანი იჯარით ბრუნდება. კლუბს მისი გამოსყიდვის უფლება ექნება.

4-10-2020, 21:54

sandro

მეტის ნახვა

მიუნხენის "ბაიერნი" ლონდონის "ჩელსის" ამომავალი ვარსკვლავის, კალუმ ჰადსონ ოდოის ტრანსფერზე მუშაობას განაგრძობს.

გერმანული გამოცემების ინფორმაციით, "რეკორდმაისტერმა" ახალგაზრდა ვინგერის სანაცვლოდ პირველი ოფიციალური შეთავაზება უკვე გააკეთა და ახლა პასუხს ელოდება.

წყაროს ცნობით, მიუნხენელები ოდოის ერთწლიანი იჯარით დამატებას, შემდგომ 70 მილიონი ფუნტის სანაცვლოდ გამოსყიდვის უფლებით აპირებენ. თუმცა, თავად "ჩელსის" მოთხოვნა გამოსყიდვის აუცილებლობაა.

შეგახსენებთ, რომ ოდოისადმი ინტერესი თავად "ბაიერნის" მთავარმა მწვრთნელმა, ჰანს ფლიკმაც დაადასტურა.

3-10-2020, 23:20

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა ბერლინის "ჰერტასთან" მატჩამდე ვრცელი პრესკონფერენცია ჩაატარა.

"კუისენსი ახლა რთულ სიტუაციაშია. მე მას ვესაუბრე და სრული მხარდაჭერა გამოვუცხადე. მიკაელს დღეს ჩვენთან ერთად არ უვარჯიშია, რადგან კორონას ტესტი ჯერ არ გაუვლია, შესაბამისად, ხვალ არ იქნება."

"ტრანსფერების განსახორციელებლად ჯერ კიდევ არის დრო. დაველოდოთ ორშაბათს, ყველაფერი მაშინ გაირკვევა."

"სვენი უდიდესი პროფესიონალია. როგორც ადამიანი და როგორც ფეხბურთელი, ძალიან მოგვენატრება. მას წარმატებას ვუსურვები "ჰამბურგის" რიგებში."

"ჰადსონ ოდოი ბრწყინვალე ფეხბურთელია. მას შესანიშნავად შეუძლია შეტევის ნებისმიერ პოზიციაზე თამაში და გასაკვირი არ არის, რომ ინტერესს ვიჩენთ."

"ალაბა და გორეცკა ვარჯიშს დაუბრუნდნენ. კომანს "დორტმუნდთან" თამაშამდეც აწუხებდა კუნთის ტრავმა. მისი თამაში ხვალ საეჭვოა." - აცხადებს ფლიკი.

3-10-2020, 17:16

sandro

მეტის ნახვა

5 ოქტომბერს ევროპაში სატრანსფერო ფანჯარა იხურება და როგორც ჩანს, მიუნხენის "ბაიერნი" ამ დრომდე რამდენიმე მოთამაშის დამატებას აპირებს.

გამოცემა Sky Sport-ის ინფორმაციით, "რეკორდმაისტერმა" უკვე გაიფორმა კატალონიის "ესპანიოლის" ვარსკვლავი, მარკ როკა და გუნდი ოფიციალურ განცხადებას უახლოეს საათებში გაავრცელებს.

წყაროს ცნობით, მიუნხენელებმა 23 წლის ნახევარმცველის სანაცვლოდ 9 მილიონი ევრო გადაიხადეს და კიდევ 6 მილიონი ბონუსების სახით არის გათვალისწინებული.

როკამ "ესპანიოლის" დღევანდელი ვარჯიში გამოტოვა და მიუნხენში ჩაფრინდა, სადაც სამედიცინო შემოწმებას გაივლის და ტრანსფერი საბოლოოდ დაიხურება.

3-10-2020, 16:50

sandro

მეტის ნახვა

მიუნხენის "ბაიერნის" ახალგაზრდა ნახევარმცველმა, მალიკ ტილმანმა უმძიმესი დაზიანება მიიღო.

გერმანული გამოცემების ინფორმაციით, 18 წლის ფეხბურთელმა ჯვარედინი იოგები გაიწყვიტა, რის გამოც ის დაახლოებით 4-6 თვის განმავლობაში ვერ შეძლებს დაბრუნებას.

ტილმანი 2015 წლიდან "ბაიერნის" აკადემიის წევრია და გასულ სეზონში სარეზერვო გუნდშიც ჰქონდა დებიუტი. იგი საკმაოდ კარგ ფორმაში იყო და 8 თამაშში 5 გოლის გატანაც მოასწრო.

3-10-2020, 16:43

sandro

მეტის ნახვა

კატალონიის "ბარსელონას" მარჯვენა მცველმა, სერხი რობერტომ მიუნხენის "ბაიერნთან" განცდილი გამანდგურებელი მარცხის მიზეზი დაასახელა.

"ვფიქრობ, "ბაიერნთან" იმიტომ წავაგეთ, რომ მეტოქე საკმარისად ვერ შევაფასეთ. ჩვენ მათ მოუმზადებლები დავუპირისპირდით და შედეგიც სახეზეა."

"თუმცა, ეს სეზონი წარსულს ჩაბარდა და დროა დავივიწყოთ. ახლა გაცილებით უფრო ძლიერები ვართ და ტიტულების მოსაგებად ვიბრძოლებთ." - აცხადებს რობერტო.

2-10-2020, 17:12

sandro

მეტის ნახვა

ევროპის ლიგის კენჭისყრის შემდეგ საბუკმეიკერო კანტორებმა ჩემპიონთა ლიგის 2020/21 წლების სეზონის ფავორიტები დაასახელეს.

გასაკვირი არ იქნება თუ გეტყვით, რომ ყველაზე დაბალი კოეფიციენტი მიუნხენის "ბაიერნს" აქვს - 5.00. "რეკორდმაისტერის" მსგავსად 5.00 კოეფიციენტით შეაფასეს მანჩესტერ "სიტის" შანსებიც.

მესამე, მეოთხე და მეხუთე ადგილებზე "ლივერპული", "პსჟ" და მადრიდის "რეალი" არიან, შესაბამისად 7.00, 11.00 და 12.5 კოეფიციენტებით.

რაც შეეხება "ბარსელონასა" და "იუვენტუსის" ჩემპიონობას, აღნიშნული პოზიცია 15.00 კოეფიციენტით შეფასდა.

2-10-2020, 15:46

sandro

მეტის ნახვა

მომდევნო კვირაში სანაკრებო პაუზა აიღებს სტარტს, რის განმავლობაშიც გერმანიის ეროვნული გუნდი სამ შეხვედრას გამართავს თურქეთის, შვეიცარიისა და უკრაინის წინააღმდეგ.

ბუნდესნაკრების მთავარმა მწვრთნელმა, იოახიმ ლიოვმა სანაკრებო მატჩებისთვის განაცხადი დაასახელა.

აღსანიშნავია, რომ შემადგენლობაში მიუნხენის "ბაიერნის" 5 წევრი მოხვდა. ესენია მანუელ ნოიერი, ნიკლას სულე, იოზუა კიმიხი, ლეონ გორეცკა და სერჟ გნაბრი.

სრული განაცხადი შემდეგნაირად გამოიყურება:

2-10-2020, 15:03

sandro

მეტის ნახვა

გასული დღეების განმავლობაში აქტიურად იწერებოდა იმის შესახებ, რომ მიუნხენის "ბაიერნის" ნახევარმცველი, მიკაელ კუისენსი კარიერას "ლიდსი იუნაიტედში" გააგრძელებდა, თუმცა, საბოლოოდ ტრანსფერი ჩაიშალა.

გერმანული გამოცემა Bild-ის ინფორმაციით, ახალგაზრდა ფეხბურთელმა "ლიდსში" სამედიცინო შემოწმება ჩააგდო. ამჟამად ფრანგს ტრავმა არ აწუხებს, თუმცა, შემოწმებამ აჩვენა, რომ მას გარკვეული პრობლემები აქვს, რის გამოც არსებობს მძიმე ტრავმის რისკი. ბრიტანელები კი ასე გარისკვას არ აპირებენ.

ახლა კუისენსი საკმაოდ რთულ სიტუაციაშია. ის მიუნხენში დაბრუნდა, სადაც მთავარ მწვრთნელს შემადგენლობიდან უკვე ჩამოწერილი ჰყავს და ახალი კლუბის მოძებნა 5 ოქტომბრამდე რთული იქნება.

თუმცა, თავის მხრივ ფრანგი ახალგაზრდა საკმაოდ ამბიციურია და ნათელია, რომ მას "ბაიერნის" შემადგენლობაში სურს თავის დამკვიდრება. შესაბამისად, ახლა ყველაფერი სწორედ მასზე იქნება დამოკიდებული.

2-10-2020, 14:57

sandro

მეტის ნახვა

1 ოქტომბერს ჩემპიონთა ლიგის ჯგუფური ეტაპის კენჭისყრა გაიმართა, სადაც გაირკვა, რომ მიუნხენის "ბაიერნის" მეტოქეები მადრიდის "ატლეტიკო", ზალცბურგის "რედ ბული" და მოსკოვის "ლოკომოტივი" იქნებიან.

აღსანიშნავია, რომ "რეკორდმაისტერი" პირველივე ტურში ურთულესი შეხვედრით იწყებს. გუნდი მადრიდში ჩავა და "ვანდა მეტროპოლიტანოზე" "ატლეტიკოს" დამარცხებას შეეცდება.

შეხვედრა 20 ოქტომბერს, თბილისის დროით 23:00 საათზე გაიმართება.

2-10-2020, 01:27

sandro

მეტის ნახვა

"ჰოფენჰაიმის" გამოცდილმა თავდამსხმელმა, ანდრეა კრამარიჩმა მიუნხენის "ბაიერნში" ტრანსფერზე ჭორების შესახებ ისაუბრა.

"რა თქმა უნდა, ჩვენ ახლა ვსაუბრობთ მსოფლიოს საუკეთესო კლუბზე, თუმცა, მინდა აღვნიშნო, რომ ახლაც ძალიან ბედნიერი ვარ."

"მაგრამ, ასევე ძალიან სასიამოვნოა, როდესაც საუკეთესო კლუბი შენით არის დაინტერესებული." - აცხადებს კრამარიჩი.

2-10-2020, 00:10

sandro

მეტის ნახვა

მიუნხენის "ბაიერნის" ლიდერმა, რობერტ ლევანდოვსკიმ ევროპის საუკეთესო ფეხბურთელად დასახელების შემდეგ პირველი კომენტარი გააკეთა.

"მინდა მადლობა გადავუხადო ჩემს მწვრთნელს, თანაგუნდელებს და განსაკუთრებით ჩემი ოჯახის წევრებს, რომელთა გარეშეც ამის მიღწევა შეუძლებელი იქნებოდა."

"ეს ჩემს კარიერაში უდიდესი ჯილდოა და სტიმულს მაძლევს, რომ მომავალში უფრო მეტი გავაკეთო." - აცხადებს პოლონელი.

2-10-2020, 00:06

sandro

მეტის ნახვა

მოგეხსენებათ, დღეს UEFA-ს ცერემონიალი გაიმართა, სადაც ჯგუფური ეტაპის წილისყრის გარდა ასევე 2019/20 წლების სეზონის საუკეთესო ფეხბურთელი გამოავლინეს. აღნიშნული ჯილდო რობერტ ლევანდოვსკის ერგო.

გთავაზობთ სრულ სტატისტიკას, თუ ვინ რამდენი ხმა მიიღო ტიტულისთვის ბრძოლაში.

2-10-2020, 00:03

sandro

მეტის ნახვა

რამდენიმე წუთის წინ UEFA-მ ჩემპიონთა ლიგის 2019/20 წლების სეზონის საუკეთესო მეკარე გამოავლინა.

გასაკვირი არ იქნება თუ გეტყვით, რომ პრიზი მიუნხენის "ბაიერნისა" და გერმანიის ეროვნული ნაკრების პირველ ნომერს, მანუელ ნოიერს ერგო.

მანუმ "პსჟს" კიპერს, კეილორ ნავასსა და მადრიდის "ატლეტიკოს" მეკარეს, იან ობლაკს აჯობა.

1-10-2020, 19:52

sandro

მეტის ნახვა

მოგეხსენებათ, დღეს ჩემპიონთა ლიგის 2020/21 წლების სეზონის ჯგუფური ეტაპის კენჭისყრა გაიმათება.

მანამდე UEFA-ს ოფიციალურმა საიტმა მთავარი საკლუბო ტურნირის სრული კალენდარი გამოაქვყენა. გადატვირთული გრაფიკის გამო ჯგუფური ეტაპის შეხვედრები ორჯერ ზედიზედ 3 კვირის განმავლობაში გაიმართება. პლეი-ოფის სტადია კი ჩვეულებრივად გაგრძელდება.

იხილეთ სრული კალენდარი:

1-10-2020, 15:18

sandro

მეტის ნახვა