დღეს, თბილისის დროით 17:30 საათზე, ბაიერნი დაუპირისპირდება მაინცს.

მატჩამდე 1 საათით ადრე ცნობილია მიუნხენელთა შემადგენლობა:

ურბიგი - ლაიმერი, დაიერი, კიმი, სტანიშიჩი - კიმიხი ©, პავლოვიჩი - ოლისე, გნაბრი, სანე - კეინი.

26-04-2025, 16:29

tornike

მეტის ნახვა

26-04-2025, 01:17

tornike

მეტის ნახვა

ჰარი კეინი იმაზე, თუ რას ნიშნავს მისთვის პირველი ტიტულის მოგება: „ეს შესანიშნავი იქნებოდა.

იქნებ ზოგიერთმა ადამიანმა შეწყვიტოს საუბარი იმაზე, რომ ჯერ ტიტული არ მომიგია [იცინის].

თუ ამას შევძლებთ მთელი ის შრომა და თავდადება, რაც ამ სეზონში ჩავდეთ, უზარმაზარ ზეიმად გადაიქცევა.

თუმცა ამის შემდეგ ყურადღება უკვე შემდეგ ტიტულზე გადაერთვება, რადგან ფეხბურთში ყოველთვის მეტი გინდა. მაგრამ ახლა მთავარი სწორედ ჩემპიონატის ტიტულია.“

25-04-2025, 22:26

tornike

მეტის ნახვა

ებერლმა სანესა და უპამეკანოსთან კონტრაქტის შესახებ მოლაპარაკებებზე განაცხადა:

„როცა სათქმელი გვექნება, ამასაც ვიტყვით.

არ ვფიქრობ, რომ საქმე დღეების ამბავია, მაგრამ ვცდილობთ, წინ წავიწიოთ როგორც მოედანზე, ასევე მის მიღმაც.

როცა ყველაფერი დასრულდება, მაშინ ოფიციალურად გამოვაცხადებთ.“

25-04-2025, 17:37

tornike

მეტის ნახვა

ვენსან კომპანი მატჩისწინა პრესკონფერენციაზე:

„მწვრთნელის რანგში ასე გრძნობ - ეს ტიტული ფეხბურთელებმა მოიგეს, ასე რომ, ვერ ვიტყვი, რომ ეს ჩემი ტიტულია.

ყველაფერი მოთამაშეებზეა. ნიჭი ბევრ რამეს წყვეტს. მინდა, მათ შანსი ჰქონდეთ, საკუთარი საუკეთესო მხარე აჩვენონ.

იმედი მაქვს, შევძლებთ ამის გაკეთებას, მაგრამ ყველაზე მთავარია, თავად ფეხბურთელებს უნდოდეთ ამის მიღწევა.“

25-04-2025, 15:59

tornike

მეტის ნახვა

ბაიერნმა და ლეროი სანემ ახალი კონტრაქტის დეტალებზე შეთანხმებას მიაღწიეს. შეთანხმების ოფიციალურად გაფორმება მომავალ კვირაშია ნავარაუდები.

ახალი კონტრაქტის ვადა 3 წელია და 2028 წლამდე გაგრძელდება. სანე ფიქსირებულად €10 მილიონს მიიღებს წლიურად, დამატებით კი €5 მილიონამდე ბონუსებს — შედეგებისა და ინდივიდუალური მაჩვენებლების შესაბამისად.

ბაიერნი გერმანელი ვინგერის შენარჩუნებას ძალიან დიდ მნიშვნელობას ანიჭებს, რადგან კლუბი მას კვლავ ერთ-ერთ ლიდერად და შემტევი ხაზის მთავარ ძალად განიხილავს.

25-04-2025, 00:16

tornike

მეტის ნახვა

ევროპის არაერთი კლუბი ინტერესდება კიმ მინ-ჯეს ტრანსფერით, თუმცა პრობლემას ხელფასი წარმოადგენს. კიმს ბაიერნში საკმაოდ მაღალი ანაზღაურება აქვს. როცა მიუნხენურმა კლუბმა ის ნაპოლიდან გადაიბირა, გადამხდელი თანხა ძალიან დიდი არ ყოფილა, მაგრამ მოთამაშეს სოლიდური ხელფასი დაუნიშნეს.

ამიტომ, თუ კიმს ევროპის რომელიმე კლუბში გადასვლა მოუნდება, დიდი ალბათობით, ხელფასის დაკლებაზე მოუწევს წასვლა - წინააღმდეგ შემთხვევაში შეთანხმება რთული იქნება.

ამავდროულად, კიმით რეალურად ინტერესდებიან საუდის არაბეთშიც. იქაურ კლუბებს შეუძლიათ არამხოლოდ მისი მიმდინარე ხელფასის გათანაბრება, არამედ კიდევ უფრო მაღალი თანხის შეთავაზებაც.

ყველაფერი თავად ფეხბურთელსა და ბაიერნზეა დამოკიდებული - მიიღებენ თუ არა შესაბამის წინადადებებს. თუმცა კიმ მინ-ჯეს მიუნხენიდან წასვლის ალბათობა ნამდვილად რეალურია.

24-04-2025, 22:23

tornike

მეტის ნახვა

ფლორიან ვირცის მამას და აგენტს, ჰანს ვირცს, საკმაოდ რეალურად მიაჩნია მისი შვილის მიუნხენის ბაიერნში გადასვლა.

თუმცა ამისთვის პირველ რიგში ფეხბურთელის თანხმობაა საჭირო. ცნობილია, რომ 21 წლის ვირცი გადაწყვეტილებას ძირითადად იმაზე დაყრდნობით იღებს, თუ ვინ იქნება იმ გუნდის მთავარი მწვრთნელი, რომელშიც გადავა. მისთვის მთავარი კლუბი კი არ არის, არამედ მწვრთნელი და პერსპექტივები, რასაც ის კლუბში ნახავს.

ბაიერნი უკვე „წითელ ხალიჩას აფენს“ ვირცის მისაღებად. ის კლუბის მომავლის ცენტრალურ ფიგურად და #10 პოზიციის მოთამაშედ არის დაგეგმილი. ფინანსურად ბაიერნს ტრანსფერის განხორციელება ნამდვილად შეუძლია.

24-04-2025, 01:49

tornike

მეტის ნახვა

საუდის ლიგის რამდენიმე კლუბმა უკვე გადადგა პირველი ნაბიჯები კიმ მინ-ჯეს მიმართ, რაც მის მომავალთან დაკავშირებულ სპეკულაციებს კიდევ უფრო აძლიერებს.

სამხრეთკორეელ მცველს რეალურად აქვს შანსი, რომ ბაიერნი დატოვოს მოახლოებული ზაფხულის სატრანსფერო ფანჯრის დროს, თუმცა ეს დამოკიდებული იქნება იმაზე, თუ რამდენად მომგებიანი იქნება შეთავაზება როგორც თავად ფეხბურთელისთვის, ასევე მიუნხენური გრანდისთვის.

გავრცელებული ცნობებით, ევროპაშიც არაერთი კლუბია ინფორმირებული შექმნილი ვითარების შესახებ და ყურადღებით აკვირდებიან მის ირგვლივ განვითარებულ მოვლენებს. კიმ მინ-ჯე ბაიერნში მხოლოდ ერთი სეზონია რაც თამაშობს, თუმცა, კონკურენციის ფონზე მისი სათამაშო დრო შემცირდა, რაც შესაძლოა გადამწყვეტი აღმოჩნდეს მის გადაწყვეტილებაზე.

23-04-2025, 21:12

tornike

მეტის ნახვა

მაქს ებერლი და კრისტოფ ფროინდი თავდაპირველად დარწმუნებული იყვნენ, რომ დაიო უპამეკანოსთან კონტრაქტის მოლაპარაკებებს სწრაფად დაასრულებდნენ. თუმცა, ბოლო დღეებში მოლაპარაკებები მცირე ბარიერს წააწყდა.

არსებობს რამდენიმე საკითხი, რომელზეც მხარეებს განსხვავებული მოსაზრებები აქვთ. მიუნხენის ბაიერნი ვერ თანხმდება ფეხბურთელის ანაზღაურების გაზრდას იმ დროს, როდესაც კლუბი მთლიანობაში ხარჯების შემცირებას ცდილობს.

ამასთანავე, ფეხბურთელის წარმომადგენლები ითხოვენ ცვლილებას გამოსასყიდ პუნქტში. მათ მიაჩნიათ, რომ მოქმედი გამოსასყიდი თანხა (120 მილიონი ევრო) მეტისმეტად მაღალია და ითხოვენ მის შემცირებას. ბაიერნის ხელმძღვანელობაზე ზეწოლაა – ვინსენტ კომპანი სურს ფრანგ ფეხბურთელთან მუშაობის გაგრძელება.

23-04-2025, 19:07

tornike

მეტის ნახვა

მანუელ ნოიერი დაბრუნებასთან ახლოსაა და სეზონის ბოლო მატჩებში სასტარტო შემადგენლობაში ყოფნას გეგმავს.

რაც შეეხება შემდეგ სეზონს, ნოიერი კვლავაც დარჩება ძირითადი მეკარე, ხოლო იონას ურბიგი მისი დუბლიორი იქნება, თუმცა მიუხედავად ნოიერის მზადყოფნისა, ურბიგსაც ექნება შესაძლებლობა ითამაშოს.

ურბიგი ითამაშებს კონკრეტულ მატჩებს სეზონის მიმდინარეობისას, რომელსაც გადაწყვეტენ თავად მეკარეები და სამწვრთნელო შტაბი.

23-04-2025, 00:08

tornike

მეტის ნახვა

ფიორენტინა თომას მიულერის აგენტს დაუკავშირდა, რათა გაეგო, სურს თუ არა ფეხბურთელს იტალიაში გადასვლა.

აგენტმა ჯერჯერობით პასუხი არ გასცა, რადგან ჯერ ყველა დაინტერესებულ კლუბს შეაგროვებს და შეაფასებს

შემდეგ კი სეზონის დასრულების შემდეგ მიულერთან ერთად იმსჯელებს, დარჩება თუ არა ევროპაში, თუ სხვაგან სურს გადასვლა.

22-04-2025, 23:15

tornike

მეტის ნახვა

ფლორიან ვირცისთვის მიუნხენის ბაიერნი არ არის პრიორიტეტული ვარიანტი, თუკი ის ლევერკუზენის დატოვებას გადაწყვეტს.

ფეხბურთელი უფრო მეტად შთაბეჭდილია პეპ გვარდიოლას მცდელობებით, რომ ის მანჩესტერ სიტიში გადაიბიროს. ასევე, დიდი გავლენა შეიძლება მოახდინოს ჩაბი ალონსოს შესაძლო წასვლამ მადრიდის რეალში – ალონსო ვირცთან ახლოს არის და თუ ის “სამეფო კლუბს” ჩაუდგება სათავეში, ფეხბურთელის არჩევანზეც მნიშვნელოვანი გავლენა ექნება.

ეს ყველაფერი მიუთითებს იმაზე, რომ ვირცი საკუთარ მომავალს მხოლოდ გერმანიის ფარგლებში არ ხედავს და კარიერის განვითარებას უფრო დიდ საერთაშორისო სცენაზე განიხილავს, განსაკუთრებით იქ, სადაც მასთან მჭიდროდ დაკავშირებული სპეციალისტები მუშაობენ.

22-04-2025, 13:37

tornike

მეტის ნახვა

ბაიერნს აქვს შესაძლებლობა, 30 აპრილამდე დროზე ადრე შეწყვიტოს ალექსანდერ ნიუბელის იჯარა, თუმცა კლუბი ამ პუნქტის გამოყენებას არ აპირებს.

ლევერკუზენი ყურადღებით აკვირდება ნიუბელს, თუმცა ჯერჯერობით არ მიუციათ სერიოზული ინტერესის მკაფიო სიგნალი.

შესაბამისად, 28 წლის მეკარე თითქმის დარწმუნებით კვლავ შტუტგარტში დარჩება იჯარით მომდევნო სეზონშიც. კლუბი კვლავ დაფარავს მისი €12 მილიონიანი წლიური ხელფასის დაახლოებით ერთ მესამედს.

21-04-2025, 23:06

tornike

მეტის ნახვა

ბაიერნი ლეროი სანეს წარმომადგენლებთან ხელშეკრულების გაგრძელებაზე მოლაპარაკებებს განაახლებს.

მაქს ებერლი ვინგერის შენარჩუნებას მტკიცედ აპირებს და მას ახალ კონტრაქტს სთავაზობს 2028 წლამდე.

პაკეტის საერთო ღირებულება, ბონუსების ჩათვლით, სავარაუდოდ, წელიწადში დაახლოებით 14–16 მილიონ ევროს შეადგენს.

21-04-2025, 20:57

tornike

მეტის ნახვა

ლევერკუზენის გენერალური დირექტორი ფერნანდო კარო ბაიერნის შესაძლო წინადადებაზე ფლორიან ვირცის მიმართ:

„ბაიერნსა და ლევერკუზენს შორის კონტაქტი არ ყოფილა, ასე რომ – ბაიერნის მხრიდან არც შემოთავაზებაა“.

ბაიერნის საჯარო განცხადებებზე ფეხბურთელთან დაკავშირებით:

„ეს უბრალოდ შოუა. ისინი ძალიან ბევრს ლაპარაკობენ. ასეთი რამ უბრალოდ არაკორექტულია“.

ელით თუ არა, რომ ვირცი დარჩება?:

კარო: „დიახ, ველოდები, რომ დარჩება“.

21-04-2025, 18:51

tornike

მეტის ნახვა