მიულერმა ნაკრებში შესაძლო დაბრუნებაზე კომენტარი გააკეთა

მიუნხენის "ბაიერნის" ლიდერმა, თომას მიულერმა "ვერდერთან" ფრედ დასრულებული მატჩის შემდეგ პრესასთან ისაუბრა.

"მეტოქე ძალიან კარგად იცავდა თავს და სიღრმიდან თამაშობდა. მათ 40 მეტრზე ამოწევა გვაიძულეს, რასაც გოლი მოჰყვა. ძალიან მარტივი გოლი გავუშვით და ქამბექი დაგვჭირდა. "ვერდერის" გეგმამ იმუშავა."

"ესპანელებთან 0:6 მარცხი სამწუხაროა როგორც გულშემატკივრის, ასევე თანაგუნდელის მხრიდანაც. თუმცა, მჯერა გერმანული ფეხბურთი კვლავ დაბრუნდება."

"ნაკრებში დაბრუნება? მე არასდროს დამისრულებია სანაკრებო კარიერა. ვფიქრობ ფეხბურთელები ამაზე არ უნდა საუბრობდნენ, თუმცა, როდესაც 0:6 აგებ ესე იგი რაღაც სწორად არ მიდის. შენ ამ თემაზე უნდა იფიქრო." - აცხადებს თომასი.