სრულიად მოულოდნელად - გნაბრი Covid 19-ისგან 2 დღეში განიკურნა

მოგეხსენებათ, სამშაბათს მიუნხენის "ბაიერნის" ლიდერს, სერჟ გნაბრის კორონავირუსი დაუდასტურდა, რის გამოც მან "ატლეტიკოსთან" შეხვედრა გამოტოვა.

გერმანული გამოცემა Bild-ის ინფორმაციით, ახალგაზრდა ვინგერმა დღეს მორიგი ტესტი ჩაიტარა და რაც არ უნდა მოულოდნელი იყოს, უარყოფითი პასუხი მიიღო.

როგორც ჩანს, გნაბრიმ საკმაოდ მალევე მოახერხა ვირუსის დამარცხება. თუმცა, ამის მიუხედავად მას გარკვეული პერიოდის განმავლობაში თვითიზოლაციაში მოუწევს ყოფნა.

დიდი ალბათობით, გნაბრი მომდევნო დღეებში კიდევ ერთ ტესტს ჩაიტარებს და მორიგი უარყოფითი პასუხის შემთხვევაში სავარაუდოდ, 31 ოქტომბერს, "კიოლნთან" შეხვედრაში შეძლებს გუნდის დახმარებას.